ᐃᓄᐃᑦ ᑕᑯᓐᓇᕋᑦᓴᓕᕆᔨᑦ
ᐃᓄᐃᑦ ᑕᑯᓐᓇᕋᑦᓴᓕᕆᔨᑦ (ᖃᓪᓗᓈᑎᑐᑦ: Inuit Broadcasting Corporation) ᑯᐊᐳᕇᓴᓐ ᑕᓚᕕᓴᓕᕆᔨᐅᕗᑦ ᓄᓇᕗᒻᒥ ᐱᓕᕆᐊᒃᓴᖃᖅᑐᑎᒃ ᐃᓄᐃᑦ ᐃᓄᖏᓐᓄᑦ ᓄᓇᕗᒻᒥ. ᑕᒪᕐᒥᑲᓴᑦᑎᐊᖅ ᐱᓕᕆᐊᖏᑦ ᑕᑯᒃᓴᐅᑎᑕᐅᕙᒃᐳᑦ ᐃᓄᒃᑎᑐᑦ. ᐃᓚᖏᑦ ᖃᓪᓗᓈᑎᑑᖓᒻᒥᔪᑦ. ᐃᓄᐃᑦ ᑕᑯᓐᓇᕋᓐᓈᖅᑎᑦᑎᔪᑦ ᐃᓄᐃᑦ ᐃᓕᖅᑯᓯᖓᓐᓂᒃ. ᑲᒻᐸᓂᐅᔪᖅ ᑕᓪᓕᒪᓂᒃ ᓴᖅᑭᑎᑦᑎᕕᖃᖅᑐᖅ ᓄᓇᕗᒻᒥ, ᐃᓄᖕᓂ ᐃᖅᑲᓇᐃᔭᖅᑎᖃᖅᑐᑦ ᑕᒪᕐᒥᒃ. 1980 ᐱᒋᐊᕐᓂᖏᓐᓂ ᐱᒋᐊᕐᓂᖏᓐᓂ, ᐃᓄᐃᑦ ᑕᑯᓐᓇᕋᑦᓴᓕᕆᔨᒃᑯᑦ ᓯᕗᓪᓕᖅᐹᖑᓚᐅᖅᓯᒪᔪᑦ ᓄᓇᖃᖅᑳᖅᓯᒪᔪᑦ-ᐅᖃᐅᓯᖅ ᑕᓚᕖᓴᒃᑯᑦ ᑕᑯᒃᓴᐅᑎᑕᐅᓪᓗᓂ ᐊᒥᐊᓕᒐᐃᑦ ᐅᐊᖕᓇᖓᓂ.[1]
ᐱᓕᕆᐊᖑᓂᐊᖅᑐᑦ
ᓱᖁᓯᖅᐹ ᐃᓚᑕᑯᒋᓇᐃ
ᓱᖁᓯᖅᐹ ᐃᓚᑖᒃᑯᐊ ᑕᕐᕆᔮᒃᓴᑦ ᓴᖅᑭᔮᖅᑎᑦᑎᔪᑦ "ᔮᓂ" ᐊᕕᙵᕐᓂᒃ ᐊᓯᖏᓐᓂᒡᓗ ᓄᓇᓕᖕᓂ ᐃᓄᙳᐊᓂᒃ ᓴᓇᓯᒪᔪᓂᒃ, ᒪᒃᑯᒃᑐᓂᒃ ᑐᙵᓱᒃᑎᑦᑎᔨᓂᒃ, ᑎᑎᖅᑐᒐᖅᓯᒪᔪᓂᒃ ᐊᒻᒪ ᐱᓕᕆᕝᕕᖕᒥᙶᖅᑐᓂᒃ. ᑕᑯᒋᓇᐃ ᐃᓕᓐᓂᐊᖅᑎᑦᑎᕙᒃᐳᖅ ᑕᒪᐃᓐᓂᒃ ᐃᓕᖅᑯᓯᑐᖃᕐᓄᑦ ᐊᓐᓂᕆᔭᐅᔪᓂᒃ (ᐃᒃᐱᒋᑦᑎᐊᕐᓗᒋᑦ ᐃᓐᓇᐃᑦ, ᐊᒥᖅᑳᖃᑎᖃᖅᐸᖕᓂᖅ ᐅᑕᖅᑭᔪᓐᓇᑦᑎᐊᕐᓂᕐᓗ) ᐃᓄᒃᑎᑐᓪᓗ ᖃᔅᓯᐅᓂᕆᔭᖏᓐᓂᒃ ᖃᓂᐅᔮᖅᐸᐃᑐᓪᓗ. ᑐᓐᓂᖅᑯᓯᐊᑦ ᐃᓚᖃᖅᑐᑦ ᐊᔾᔨᐅᙱᑦᑐᒥᑦ ᐃᓕᓴᕆᔭᐅᔾᔪᓯᐊᒥᑦ ᑲᑐᔾᔨᖃᑎᒌᒃᑯᓐᓂᑦ ᓄᑕᖅᑲᓄᑦ ᑕᓚᕖᓴᓄᓪᓗ; ᑐᓐᓂᖅᑯᓯᐊᖅ ᓄᑕᖅᑲᓄᑦ ᑕᕐᕆᔮᒃᓴᓕᕆᔨᒃᑯᓐᓂ; ᐊᒻᒪ ᐅᖃᓘᑎᒃᑯᑦ ᑕᕐᕆᔭᐅᑎᒃᑯᑦ−ᓄᓇᖃᖅᑳᖅᓯᒪᔪᑦ ᑕᑯᓐᓇᒐᒃᓴᓕᕆᔨᖏᑦ ᓄᓇᖃᖅᑳᖅᓯᒪᔪᑦ ᐅᖃᐅᓯᓕᕆᓂᕐᒧᑦ ᐃᓕᑕᕆᔭᐅᔾᔪᑎᑖᖅᑐᑦ.
ᐅᖃᓕᒫᒐᕐᓄᑦ ᐱᓕᕆᐊᒃᓴᖅ ᐃᓄᖕᓄᑦ ᒪᒃᑯᒃᑐᓄᑦ, ᐅᓪᓗᒥᓕᓴᖅ ᑕᑯᒃᓴᐅᓪᓗᓂ ᐊᓐᓄᕌᖅᓯᒪᑦᑎᐊᕐᖢᓂᓗ ᓴᖅᑭᔮᖅᑎᑦᑎᓪᓗᓂ, ᑭᓯᐊᓂ ᐃᔾᔪᐊᒐᒃᓴᐅᙱᖦᖢᓂ ᒫᓐᓇᐅᔪᖅ ᒪᒃᑯᒃᑐᓄᑦ ᐱᓕᕆᐊᒃᓴᑦ ᖃᕋᓴᐅᔭᒃᑯᑦ ᕿᓪᓚᔾᔪᒐᒃᑯᑦ, ᐊᔾᔨᖃᖅᑎᑦᑎᓪᓗᓂᓗ ᖃᐅᑕᒫᑦ ᐃᓅᓯᖏᓐᓂ ᐃᓄᐃᑦ ᒪᒃᑯᒃᑐᑦ.
ᐃᓪᓕᓂᖅ
ᓱᖁᓯᖅᐹ ᐃᓚᐊᒥᓱᑲᓪᓚᐅᔪᑦ ᑎᑎᖅᑲᐅᔪᑦ ᓴᖅᑮᔪᑦ ᐃᓚᖏᓐᓂᒃ ᑐᓴᕈᒥᓇᖅᑐᓂᒃ ᐃᓄᓐᓂᒃ ᓄᓇᕗᒻᒥ ᓄᓇᖃᖅᑐᓂᒃ - ᒐᕙᒪᓕᕆᔨᐅᔪᑦ, ᐃᓄᑐᖃᐅᔪᑦ, ᑎᑎᕋᖅᐸᒃᑐᑦ ᐊᒻᒪᓗ ᐱᙳᐊᖅᑎᐅᔪᑦ. ᐊᑐᓂ ᐊᔾᔨᓕᐅᖅᑕᐅᔪᑦ ᕿᒥᕐᕈᓲᖑᕗᑦ ᐃᓅᓯᖏᓐᓂᒃ ᐊᓂᒍᖅᑎᓯᒪᔭᖏᓐᓂᒡᓗ ᑖᒃᑯᐊ ᐅᔾᔨᕐᓇᖅᑐᑦ ᐃᓄᐃᑦ.
ᖃᓄᖅ ᐃᓱᒪᕕᑦ
ᓱᖁᓯᖅᐹ ᐃᓚᓄᓇᕗᒻᒥ ᑕᓚᕖᓴᒃᑯᑐᐊᖅ ᑕᓚᕕᓴᒃᑯᑦ ᑕᑯᒃᓴᐅᑎᑦᑎᔪᑦ, ᐅᖃᐅᓯᖃᖅᖢᑎᒃ ᒫᓐᓇ ᐱᔾᔪᑕᐅᔪᓂᒃ ᐊᒻᒪ ᖃᓄᐃᓕᐅᕈᑕᐅᔪᓂᒃ ᓲᕐᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ, ᓇᓄᕐᓂᒃ, ᐅᖃᐅᓯᕐᒥᒃ ᐊᑐᖃᑦᑕᕐᓂᖅ, ᐃᒡᓗᕕᒐᖅ ᐱᒻᒪᕆᐅᓂᖓ, ᐊᒻᒪ ᕿᒻᒦᔭᖅᑕᐅᖃᑦᑕᕐᓂᖅ.
ᓂᕿᑦᓯᐊᑦ
ᓱᖁᓯᖅᐹ ᐃᓚᓂᕿᑦᓯᐊᑦ ᓴᖅᑭᔮᖅᑎᑦᑎᔪᑦ ᐱᕙᒌᔭᐃᓂᕐᒥᑦ ᓂᕿᓕᐅᕐᓂᕐᒥᒡᓗ ᐃᓄᐃᑦ ᓂᕿᑐᖃᖏᓐᓂᑦ, ᖁᕝᕙᕆᐊᖅᑎᑦᑎᓪᓗᑎᒃ ᓂᕿᑦᑎᐊᕙᖕᓂᑦ ᓂᕆᓂᕐᓂ ᖃᐅᔨᓴᕐᓂᕐᓂᒃᓗ ᓂᕿᖏᓐᓂ ᐃᒪᕐᒥᑦ, ᓯᑯᒥᑦ, ᓄᓇᒥᓪᓗ.
ᓇᑭᙶᕐᕕᒃ
ᓱᖁᓯᖅᐹ ᐃᓚ- ↑ Brooten, Lisa. "Indigenous Peoples' Media." Encyclopedia of Social Movement Media, edited by John D. H. Downing, SAGE Reference, 2011, pp. 257-263. Gale Virtual Reference Library. Accessed November 13, 2016.